مطالب تازه

نظر خوانندگان

مقالات

از جنبش کارگری

نامەی گەیشتوو: لە هاوڕێیەکی کۆڵبەرەوە سەبارەت بە خوێنمژانی کورد و کرێکارانی مانگرتووی شیرکەت نەوت

نوشتۀ: یک کولبر

بە ڕای من خەڵاتی هەڵبژاردنی پووچ ترین و بێ ناوەرۆک ترین و بێ ماناترین درووشمی سەردەم ئەبێ بدرێتە ئەم لایەن و حیزبانەو هەوادارەکانیان لەبەر ئەوەی هیچکات بە لێکدانەوەو ڕوانینێکی چینایەتییەوە ناڕوانن لە کۆڵبەر و کەیسی کۆڵبەری بۆیە ڕاستەوخۆ دەڵێن کە کێشەیەکیان لەگەل خودی کۆڵبەری دا نییە بەڵکوووو بەرهەڵەستی کوشتنی کۆڵبەرن کە ئەوەش سەرچاوەکەی...

شرۆڤەی ماڵپەڕ: نامەی خوارەوە لە لایەن هاوڕێیەکی کۆڵبەرەوە نێردراوە.

منیش یەکێک لە ئەو سەدان خوێنەوار و دەرچووانەی زانکۆم کە بە هۆی هەژاری، بێکاری و لە ڕووی ناچارییەوە بۆ بژێوی خۆم و بنەماڵەکەم ڕووم هێناوەتە کۆڵبەری چەند قسەیەکم لەگەل کۆڵبەران و هاوچینەکانمدا هەیە. هەرکات کۆڵبەرێک بە تەقەی هێزە ئەمنییەکان و پارێزەرانی سەرمایە درابێتە بەر فیشەک و یان لە بەرزاییەکانی سەر سنوور کەوتبێتە خوارەوەو و گیانی لە دەست دابێت و یان لە باشترین حاڵەتیا ئەشکەنجە درابێت و کەم ئەندام بووبێت میدیاکانی دەرەوە لە فارسییەکان و و بگرە کوردییەکانیش هاوار بەرز دەکەنەوە کە ئەی هاوار #نا_بۆ_کوشتنی_کۆڵبەر.

بە ڕای من خەڵاتی هەڵبژاردنی پووچ ترین و بێ ناوەرۆک ترین و بێ ماناترین درووشمی سەردەم ئەبێ بدرێتە ئەم لایەن و حیزبانەو هەوادارەکانیان لەبەر ئەوەی هیچکات بە لێکدانەوەو ڕوانینێکی چینایەتییەوە ناڕوانن لە کۆڵبەر و کەیسی کۆڵبەری بۆیە ڕاستەوخۆ دەڵێن کە کێشەیەکیان لەگەل خودی کۆڵبەری دا نییە بەڵکوووو بەرهەڵەستی کوشتنی کۆڵبەرن کە ئەوەش سەرچاوەکەی دەگەڕێتەوە بۆ پێگەی چینایەتییان و لێکدانەوەی هەڵەیان بە جۆرێک کە کۆڵبەران هاوشانی بۆرژوازی کوردستان دەبینن و هۆکاری کۆڵبەری کە بەرهەمی نامرۆڤانەی نیزامی پڕ لە مەینەتی سەرمایەدارییە دابەزاندوەتە ئاستی ستەمی نەتەوەیی وەک بڵێیت هەموو کوردستان بە بێ هیچ ڕیزبەندییەکی چینایەتی هەموان لە کۆڵبەرەوە بگرە هەتا بۆرژواکانی هەموویان وەکوو یەک قازانج و زەرەر ئەکەن. هەر لەم ڕێگاوە وەبیر هەموو هاوچین و هاوچارەنووسەکانم و هەموو کرێکاران و کۆڵبەران دێنمەوە کە زامی ئێمە زەحمەتکێشان زامێکی نەتەوەیی و ناسیۆنالیستی نەبووەو نییە بەڵکوو زامێکی چینایەتییە.

زام و مەینەتی ئێمە لەگەل کرێکارانی هفت تپە و کرێکارانی شیرکەت نەوت و سەرجەم کرێکارانی ئێران و جیهاندا هاوبەشە نەک لەگەل بۆرژوازی مەحەلی کوردستان، هەروەها کە بەشی هەموو کرێکارانی هەموو کارگە و کێڵگەو کارخانەکانی ئێران و جیهان وەکوو ئێمەی کۆڵبەر لە گەردشی سەرمایە برسێتی، مووچەی دواخراو، نەبوونی ئەمنییەت و ئاسایشی شوغڵی، لەسەر کار دەرکردنی فەلەیی و هەژاری ودەیان نەهامەتی و چارەڕەشی تری جەماوەرییە ئێمە چینی کۆڵبەر و ڕەنجدەری کوردستانیش بەشمان لە سنوورەکان و گومریک و گەردشی سەرمایە لەناوچە سنوورییەکان فیشەکە و ڕەق بوونەوە لە سەرما و کەم ئەندام بوون و گیان لە دەست دان و دەیان ڕەنج و مەینەتی دیکە، بەڵام بەشی بۆرژوازی کورد هەر لەم سنوورە هاوبەشە کە بۆ ئێمە پڕ لە مەینەتە و خەمۆکی بۆ ئەوان دەفتەر دەفتەر دۆلار و بەهرە و قازانجی فراوان و ماشین و ئتۆمبێلی لووکس و کاخ و ویلای شاهانەیە. هاوڕێییان کۆڵبەران و هاوچارەنووسە ئازیزەکانم ئێمە هەموومان بە چاوی خۆمان بینیمان و تەجروبەمان کردووە کە ئەحزابی کوردی وەکوو پژاک و دیموکرات و کۆمەڵە لە ناوچە سنوورییەکان باج و گومریک لە کۆڵبەر ئەسێنن بۆیە ئەم لایەن و حیزبانە و هەوادارانی دووڕوویان شایانی ئەوە نین کە لە دەردی کۆڵبەر بێژن و بنووسن و دڵنیا بین کە ئەوەی سەرچاوە و هۆکاری کۆڵبەری دابەزێنێت بۆ شرۆڤە و قسەو باسی ستەمی نەتەوەیی و بە تەنها قسە لە فۆرمی حکومەت و دەوڵەتی ناوەندی و دیکتاتۆریدا بکات بە بێ لە بەرچاوگرتنی سازوکاری جیهانی و ناوچەیی موناسباتی سەرمایەسالاری بێ گومان جێی باوەڕ نییە و درۆزنە.

هاوڕێیانم ئێمە پێش ئەوەی بەدەستی پارێزەرانی سەرمایە درابێتینە بەر فیشەک لە لایەن خودی بۆرژوازی کوردستانەوە واتە هەمان خاوەن بارەوە چەوساوینەتەوە کە ئەو لەماڵەوە لەناو پێخەفەکەیدا بە تەلەفۆن مامەڵەی دۆلار ئەکات و ئێمەیش بە سەرما و گەرما ئەبێت سەرمایە و قازانج و بەهرەی ئەوان بپارێزین جا با گیانیشمان لە سەری دانابێت. دەی چۆن ئەبێت ئێمەی ڕەنجدەر لەگەل ئاوا چینێکی مفتەخۆردا یەکسان و هاوشان بین؟ ئێمە لەگەل ئەم بۆرژوازییە خوێن مژەدا لە بەرانبەر یەکداین نە لە تەنیشت یەک. ئەوان دوژمنی چینایەتیمانن. لە کۆتاییشدا ئەوە بڵێم کە ئەو حیزب و لایەنانەی کە دانیشتووی ئوردووگاکان و ئەورووپان هەر لە ڕاست هەتا چەپیان کە وا لە بەرانبەر سازوکاری جیهانی و کاولکەری سەرمایەداریدا بێدەنگن و تەواوی نەهامەتی جەماوەری ئێمەیش و بگرە زۆر جار هەموو جیهانیش دێننەوە سەر ناکارامەبوونی دەوڵەتی کۆماری ئیسلامی و ئاستی کاریگەری نەرێنی و جیهانی نیزامی بۆگەن کردووی سەرمایەدارییان دابەزاندووە بۆ نەفامی و زاڵمی کۆماری ئیسلامی دڵسۆز و خەمخۆری ئێمە نین بەڵکوو دوژمنی چینایەتیمانن و سەرقاڵی گەوجاندنی ئێمەن. ئێمە دەبێت یەکڕیز و یەک دەنگ پێیان بڵێین کە بێدەنگ بن و خەفە بن. هاوڕێیانم یار و دڵسۆز و هاوشانی ئێمە کرێکارانی مان گرتوون، کە ئەبێت لە ئەزموونەکانی ئەوان دەرس وەربگرین و بە دڵ ئاوەڵایی و دڵخۆشییەوە پەیامی هاودەنگی و هاوخەباتیمان پێیان ڕابگەیەنین چوونکە هەر ئەوان یار و ڕەفێق و هاوچارەنووس و هاوخەباتی ڕاستەقینەی ئێمەن.

ئەبێت یەکڕیز و یەکدەنگ بە هەموو ئەو حیزبانە ڕابگەیەنین کە خەباتی ئێمە هەموو ڕەنجدەران و زەحمەتکێشانی کوردستان و ئێران و جیهان خەباتێکی چینایەتییە لە دژی نیزامی سەرمایە لە هەر شکڵ و چوارچێوەو جل و بەرگێکدا جا بە هەر ناوێک و ئایدۆلۆژییەکی تایبەتەوە بێت.

10 تیر 1400

 

نوشتن دیدگاه


تصویر امنیتی
تصویر امنیتی جدید

کنفرانس دوم

ادامه مطالب...

کتاب

یادداشتها

سیاست

کنفرانس مؤسس

  • 50 سال مبارزه بر سر مارکسیسم 1932-1883 (قسمت سوم)
    از موضع تئوری مارکسیستیِ بحران و فروپاشی، این امر از ابتدا از نظر گروسمن مسلم است که برای پرولتاریا انتظار تقدیرگرایانه فروپاشیِ خود به خود ، بدون آن که فعالانه در آن دخالت کند؛ قابل طرح نیست. رژیم های کهنه…
  • حزب پرولتاریا
    حزب وظایف خود را تنها به شرطی می تواند ایفا کند که خود تجسم نظم و سازمان باشد، وقتی که خود بخش سازمانیابی شدۀ پرولتاریا باشد. در غیر این صورت نمی تواند ادعایی برای به دست گرفتن رهبری توده های…
  • اتحادیه ها و شوراها
    رابطۀ بین اتحادیه و شورا باید به موقعیتی منجر شود که غلبه بر قانونمندی و [سازماندهی] تعرض طبقۀ کارگر در مساعدترین لحظه را برای این طبقه امکانپذیر سازد. در لحظه ای که طبقۀ کارگر به آن حداقلی از تدارکات لازم…
  • دربارۀ اوضاع جهانی - 14: یک پیمان تجاری ارزشمند
    یک رویکرد مشترک EU-US می تواند بر تجارت در سراسر جهان تأثیر گذار باشد. روشی که استانداردها، از جمله مقررات سلامتی و بهداشتی و صدور مجوز صادرات در بازارهای دیگر را نیز تسهیل میکند. به خصوص مناطقی که هنوز تحت…
  • 50 سال مبارزه بر سر مارکسیسم 1932-1883 (قسمت دوم)
    همان طور که رزا لوکزامبورگ تاکید نموده است، "فروپاشی جامعه بورژوایی، سنگ بنای سوسیالیسم علمی است". اهمیت بزرگ تاریخی کتاب رزالوکزامبورگ در این جاست: که او در تقابلی آگاهانه با تلاش انحرافی نئو هارمونیست ها، به اندیشه ی بنیادین "کاپیتال"…

صد سال پس از انقلاب اکتبر

کنفرانس اول

هنر و ادبیات

ادامه...

صدا و تصویر